O «teléfono estragado» que podería aclarar todo

SANTIAGO DE COMPOSTELA. Malia que os reloxos dos móbiles non pasasen das oito e media, eran varios os medios de comunicación que agardaban, ás portas dos xulgados de Fontiñas, a chegada dalgún dos protagonistas da crónica xudicial desta última semana. A primeira en aparecer —preto das nove da mañá— foi a letrada Fernanda Álvarez, encargada da defensa do acusado, José Enrique Abuín, alias “El Chicle”. Uns minutos máis tarde era a quenda do pai da vítima, Juan Carlos Quer, quen tamén tivo unhas palabras para cos medios. Unha vez dentro, e con algo de retraso, o público agrupouse ante a sala de vodas, reconvertida na sección sexta da Audiencia Provincial da Coruña, para enfrontarse á sétima xornada do xuízo pola morte de Diana Quer. Apartado das rodas de expectación que se foron formando, Juan Carlos Quer agardaba sentado nun banco, facendo tempo mentres consultaba o seu teléfono.

Custodia compartida

Estes días chegaba ao meu timeline un artigo de Ricardo Romero en El Español, “Qué hay de lo mío: el consumidor-deidad”. Após a sorpresa inicial de ver a un dos membros de Los Chikos del Maíz no xornal que capitanea Pedro J., acordeime das estancias alternativas que sinalaba Boynton. En todo caso, nada que reprochar, que o futuro é incerto por definición e un debe poder mudar de cuarto. Para máis, se isto permite facer incursións nas trincheiras do inimigo.

Paradoxos e «ofendiditos» da liberdade de expresión

Fai unhas horas coñecíase a noticia de que o Parlamento Europeo daba luz verde á intervención de Vox nas súas dependencias. Baixo o título Cataluña: una región de España, voceiros da formación ultradereitista explicarán en Bruxelas a situación do Estado español tras o que eles entenden como «intento de golpe de Estado» por parte da Generalitat. A Eurocámara alega que o relatorio non supón unha ameaza para o mantemento da orde pública nas súas instalacións, como si sucedía co acto vetado á outra cara do conflito, os líderes independentistas Puigdemont e Torra.

A mentira da moderación

A repentina –aínda que non demasiado sorprendente– convocatoria de comicios xerais para o vindeiro 28 de abril supón a posta en marcha da mecánica electoral algo antes do previsto. Algo así coma un ensaio de cara ás municipais, no que xa se comezan a intuír liñas de actuación no referido ás campañas das diferentes formacións políticas. En especial, aquela que apela á moderación fronte a un elemento disruptivo situado nun extremo. O resto, mesmo se só en aparencia, busca logo o seu sitio no «centro». Porque a ambigüidade do centro –perdón, o equilibrio– facilita o querer sol na eira e choiva no nabal.

Utzi Altsasu bakean

Setecentos trinta e oito días. Ou o que é o mesmo, dous anos e unha semana. Iso é o que levan Adur, Jokin e Oihan, tres dos rapaces de Altsasu, no cárcere. Así o apunta un contador en Twitter, que se actualiza a diario e cuxa lectura é demoledora. E todo por unha trifulca de bar que rematou cun nocello roto. Algo que non tería maior relevancia en calquera outro punto da xeografía estatal. Pero o nocello era o dun Garda Civil e os feitos sucederon en Navarra. Regresamos aos 80 e á zona especial norte.

Vigo, cidade costa abaixo

Percorremos as rúas de Vigo nun roteiro ao longo da evolución do núcleo urbano para coñecermos a historia do urbanismo que dá vida á cidade ‘máis caótica e fea da Galiza’. Desde a Ribeira do Berbés até a presenza de Citröen, e pasando polas xa inexistentes murallas, descubrimos os pasos que se deron até conformar a cidade na que hoxe en día vivimos.

Top de rotondas de Vigo: un roteiro polas glorietas máis míticas da cidade

10. Jurassic Park – (r/Rosalía de Castro)

Comezamos este Top10 cunha rotonda efímera pero non por iso menos icónica. Non é outra que o breve paso do “Dinoseto” pola rúa Rosalía de Castro a causa dun erro loxístico. Se ben o arbusto non durou unha hora, o seu éxito entre a cidadanía levouno até a Praza da Princesa, en pleno centro da cidade. Mentres tanto, en Rosalía non tardaba en ser remprazado por…

MARCO: crónica dunha morte cultural anunciada

Desde que se coñeceu a noticia de que o actual director, Iñaki Martínez Antelo, deixaría o seu cargo a finais deste ano, o MARCO atravesa unha delicada transición. En especial, pola situación que se facía pública no comunicado no que presentaba a súa negativa a continuar unha vez venza o seu contrato. A resolución deste período de incertidume determinará a pervivencia ou non da entidade.

María Castro: “Non quero facer un ‘Show de Truman’ da miña vida”

A actriz galega conversa nunha entrevista coa revista Chispa sobre a personaxe que marcou a súa carreira, a súa relación coa fama e a súa presenza nas redes socias, facendo gala desa actitude positiva que tanto a caracteriza.

Xosé Luís Vilela Conde: “Un dos obxectivos de La Voz é ser o xornal de toda Galiza”

O director de La Voz de Galicia compartía as aspiracións do seu xornal nunha charla con alumnos da Faculdade de Ciencias da Comunicación. Vilela Conde admitía que a publicación que lidera busca ser o xornal de todos os galegos e galegas, obxectivo que semella ter acadado segundo os datos da Oficina da Xustificación da Difusión e do Estudo Xeral de Medios, que o situan á cabeza do país en termos de difusión e audiencias, respectivamente.